عيد ميلادي السابع والعشرون... 27 سنة

تونس،  29 جانفي 2014

27 سنة... اي نعم اليوم سكرت ال27 و حليت باب ال 28...
 27 سنة تعداو في رمشة عين.. تعداو معاهم برشا فرحة و برشا حزن...
تعداو معاهم برشا ضحكة و برشا غش... تعداو معاهم برشا لحظات بهجة و شيخة كيف ما تعداو معاهم ايامات فدة و ڨينية...
27 سنة عرفت فيهم برشا عباد باهين و لتوا مازالت اون كونتاكت معاهم.. و عرفت زادة عباد ماكانوش باهين معايا اما عادي نعيشوا و نتعلموا..
 مخ الهدرة نشكر العباد الكل الي عاونوني باش نوصل للي انا فيه توا بعد 27 سنة..
بعد الي قلتو الكل يقعد السؤال الي نسألو لروحي  كل عام ... عمري 27 والا 28 سنة؟

اي اي نسيت حاجة... هابي بارثداي تو مي.... عيد ميلاد سعيد مراد نياهاهاها